ინდოეთში მაჰათმა განდის ერთ-ერთ სტატუეტზე ისლამისტური ლოზუნგი აღმოაჩინეს, რომელიც მოსალოდნელ ტერაქტზე იტყობინება – ამის შესახებ The Independent წერს.
ინციდენტი სოფელ დუდუში მოხდა, რომელიც ქალაქ ჯაიპურთან ახლოს მდებარეობს. უცნობებმა განდის თეთრ სტატუეტს ყავისფრად შეუღებეს სახე და ბევრი წარწერა გაუკეთეს, მათ შორის ” ისლამური სახელმწიფო”. ადგილობრივების თქმით, წარწერებში საუბარია მოსალოდნელ ტერაქტებზე, რომელიც 26 იანვარს, რესპუბლიკის დღისთვის იგეგმება.