საზენიტო-სარაკეტო კომპლექსის „იგლა“-ს საქართველოდან სომხეთის ტერიტორიაზე კონტრაბანდულად გადატანის საქმეზე სომხეთის ეროვნული უსაფრთოების სამსახური სპეციალურ განცხადებას ავრცელებს. უწყების ინფორმაციით ამ ეტაპზე აღნიშნულ ფაქტზე წინასწარი საგამოძიებო მოქმედებები მიმდინარეობს. უსაფრთხოების სამსახურის თქმით საქართველოს სამართალდამცავ ორგანოებთან ერთობლივად დაადგენენ პირველადი მონაცემების ნამდვილობას, რომელის თანახმად, უკანონო საზენიტო–სარაკეტო დანადგარი „იგლა“ სომხეთში, სავარაუდოდ, საქართველოს ტერიტორიის გავლით მოხვდა.
