საბერძნეთის პოლიციამ, მაკედონიის საზღვართან, იდომენის ბანაკიდან მიგრანტების ევაკუირება დაიწყო – “ბიბისი” ავრცელებს.
ოპერაციაში დაახლოებით 200 პოლიციელი მონაწილეობს. ბანაკში მობილიზებულია ავტობუსები და გამცილებელი მანქანები. სამართალდამცველების თქმით, ისინი ძალის გამოყენებას არ აპირებენ. მიგრანტები მათთვის სპეციალურად გამოყოფილ ტერიტორიაზე უნდა გადაიყვანონ. იდომენის ბანაკში დაახლოებით 8,5 ათასი მიგრანტია.
საბერძნეთის მთავრობის მონაცემებით, ქვეყნის ტერიტორიაზე 2015 წელს დაახლოებით 800 ათასი მიგრანტი შევიდა.