გერმანელმა ისტორიკოსმა ფლორიან კოტანკომ აღმოაჩინა, რომ ადოლფ ჰიტლერს უმცროსი ძმა ყავდა, მისი სახელია ოტტო ჰიტლერი, რომელიც სპეციალისტებს ადრე ადოლფის უფროსი ძმა ეგონათ. კვლევა გამოქვეყნებულია გერმანულ Oberoesterreichische Nachrichten-ში და მასზე დაყრდნობით ინფორმაციას Reuters-ი აქვეყნებს.
მკვლევარმა აღმოაჩინა, რომ ოტტო, ალოისისა და კლარა ჰიტლერების ოჯახში, სინამდვილეში ადოლფის დაბადებიდან სამი წლის შემდეგ დაიბადა.
ოტტო დაბადებიდან 6 კვირაში ჰიდროცეფალიის გამო გარდაიცვალა. სულ ალოისის და კლარა ჰიტლერების ოჯახში 6 ბავშვი იყო (სამი გოგო და სამი ბიჭი). ადოლფი გახლდათ მეოთხე და არა მესამე მათ შორის.
მეცნიერებმა აღმოჩენა საარქივო მასალების შესწავლის შემდეგ გააკეთეს, რომელიც ავსტრიაშია დაცული, იქ, სადაც ჰიტლერი დაიბადა.