დოდო გუგეშაშვილსა და მისი შვილის თავდასხმის საქმეზე გამოძიება რამდენიმე ვერსიაზე მუშაობს, განიხილება ქარვის ბიზნესში ჩართვის ვერსიაც – ამის შესახებ განცხადება, შინაგან საქმეთა მინისტრის მოადგილემ გააკეთა.
ნათია მეზვრიშვილის თქმით, ხდება მათ შორის მედიაში გაჟღერებული ყველა ინფორმაციის გადამოწმება.
,,ხდება ყველა იმ ვერსიის გადამოწმება, რომელიც ამ ეტაპზე გამოძიებას აქვს. ძალიან ბევრი მიმართულებით ვმუშაობთ, მათ შორის მედიაში გაჟღერებულ ინფორმაციასთან დაკავშირებით“- აცხადებს ნათია მეზვრიშვილი.
დოდო გუგეშაშვილის შვილი საკუთარ სახლში 7 თებერვალს მოკლეს, გუგეშაშვილი კი დაჭრეს. საქმეზე დაკავებული არავინაა.
