საქართველოს პრემიერ-მინისტრმა გიორგი კვირიკაშვილმა რეგიონული განვითარებისა და ინფრასტრუქტურის მინისტრის მოადგილეების დანიშვნის ბრძანებებს ხელი მოაწერა.
რეგიონული განვითარებისა და ინფრასტრუქტურის მინისტრის მოადგილეებად კახაბერ გულედანი, ირაკლი მატკავა და გენადი არველაძე დაინიშნენ.
რეგიონული განვითარებისა და ინფრასტრუქტურის ახალმა მინისტრმა ზურაბ ალავიძემ თენგიზ შერგელაშვილი, ეკა სეფაშვილი და ილია დარჩიაშვილი თანამდებობიდან გაათავისუფლა.
ამასთან, ზურაბ ალავიძემ სამინისტროში რეორგანიზაცია გამოცხადა. რეორგანიზაციის ერთ-ერთი პუნქტი სამინისტროში შტატების შემცირებასაც ითვალისწინებს.