გიორგი კვირიკაშვილმა რამდენიმე ელჩს გამოსამშვიდობებელ სადილზე უმასპინძლა

საქართველოს პრემიერ-მინისტრმა გიორგი კვირიკაშვილმა დიდი ბრიტანეთის, ესტონეთის, ლატვიის, რუმინეთისა და ისრაელის საგანგებო და სრულუფლებიან ელჩებს საქართველოში, გამოსამშვიდობებელ სადილზე უმასპინძლა.
დიპლომატებს – ალექსანდრა ჰოლ-ჰოლს, პრიიტ ტურკს, ელიტა გაველეს, დუმიტრუ ბადეას და იუვალ ფუქსს საქართველოში დიპლომატიური მისია ეწურებათ.
მთავრობის მეთაურმა მათ ორმხრივი ურთიერთობების განვითარებაში შეტანილი წვლილისთვის მადლობა გადაუხადა და წარმატებები უსურვა. დიპლომატებმა საქართველოს ევროპული და ევროატლანტიკური ინტეგრაციისადმი მხარდაჭერა კიდევ ერთხელ დაადასტურეს და აღნიშნეს, რომ საქართველოს მეგობრებად რჩებიან.

banner
წინა სტატიაშისაქართველოს საგარეო საქმეთა სამინისტრო მიუნხენში მომხდარი თავდასხმის გამო მწუხარებას გამოხატავს
შემდეგი სტატიაჭაბუა ამირეჯიბის გამზირზე მდ. ვერეს კალაპოტის ფორმირების პირველი ეტაპი დაიწყო