გიორგი კვირიკაშვილი 7 ნოემბრის მოვლენებს „ფეისბუქზე“ ეხმაურება – „აღარასოდეს განმეორდება!“

timer.ge თაიმერი
: timer.ge თაიმერი ნოემბერი 7, 2017 17:19

გიორგი კვირიკაშვილი 7 ნოემბრის მოვლენებს „ფეისბუქზე“ ეხმაურება – „აღარასოდეს განმეორდება!“

საქართველოს პრემიერმინისტრი გიორგი კვირიკაშვილი 2007 წლის 7 ნოემბრის მოვლენებს „ფეისბუქზე“ ეხმაურება.

პრემიერმა სოციალურ ქსელში განათავსა 7 ნოემბერს გადაღებული ფოტო მინაწერით: „აღარასოდეს განმეორდება!“.

2007 წლის 7 ნოემბრის მოვლენებიდან 10 წელი შესრულდა.

ოპოზიციის საპროტესტო აქციები, მიხეილ სააკაშვილის ხელისუფლების შეცვლის მოთხოვნით, 2007 წლის 3 ნოემბერს დაიწყო. 2007 წლის 7 ნოემბრისთვის ოპოზიციამ პარლამენტის შენობასთან „კარვების ქალაქის“ გაშლა დააანონსა.

იმავე დღეებში თბილისში არსებულ სახელმწიფო დაწესებულებებთან „სირცხვილის კორიდორების“ მოწყობა გრძელდებოდა.

2007 წლის 7 ნოემბრის აქცია პოლიციის მიერ მონაწილეთა დაშლით, ცრემლსადენი აირის, ხელკეტების, რეზინის ტყვიების, აკუსტიკური თოფებისა და წყლის ჭავლის გამოყენებით დასრულდა. იმავე საღამოს ტელეკომპანია „იმედში“ სპეცრაზმი შეიჭრა, ტელეკომპანიის მაუწყებლობა გაითიშა.

პოლიტიკური კრიზისის საპასუხოდ, მაშინდელმა პრეზიდენტმა, მიხეილ სააკაშვილმა 15 დღით საგანგებო მდგომარეობა გამოაცხადა და ვადამდელი საპრეზიდენტო არჩევნები დანიშნა.

timer.ge თაიმერი
: timer.ge თაიმერი ნოემბერი 7, 2017 17:19

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,732
ვიზიტორი
დღეში
Powered By Google Analytics