ნაციონალური მოძრაობის ერთ-ერთი ლიდერი გიგა ბოკერია ხელისუფლების მხრიდან რუსთავი 2-ის წინააღმდეგ ბრძოლის შესახებ საუბრობს და აკრიტიკებს პრემიერს, ვიცეპრემიერსა და მმართველ გუნდს რუსთავი 2-ის საქმესთან დაკავშირებით გაკეთებული განცხადებების გამო. გიგა ბოკერია გოგი თოფაძეს გულწრფელობაში „ოქროს მედალოსანს“ უწოდებს.
„ამ რაუნდში გამარჯვება უნდა მივულოცოთ რუსთავი 2-ს და მის მხარდამჭერებს, რომ ივანიშვილმა თავის გეგმა ვერ შეასრულა და სწრაფად ხელში ჩაგდება ინფორმაციის მთავარი წყაროს ვერ მოახერხა, რაშიც საკონსტიტუციო სასამართლოს სწორმა გადაწყვეტილებამ გადამწყვეტი როლი ითამაშა, მაგრამ პრობლემა არსად არ წასულა, ივანიშვილს იგივე პრობლემა აქვს. მოდის არჩევნები 2016 წლის და მისი პარტიის რეიტინგი კატასტროფულად ვარდება, მას კი ერთადერთი გზა ძალაუფლების შენარჩუნებისთვის აქვს თავისუფალი მედიის ჩახშობა,“ – აცხადებს გიგა ბოკერია.
