“ევროპული საქართველოს” წევრის, გიგა ბოკერიას განცხადებით, გოგა ონიანის დაკავება გამოწვევაა არა მხოლოდ რომელიმე ოპოზიციური პარტიისთვის, არამედ მთლიანად ქვეყნისთვის.
როგორც ბოკერიამ ჟურნალისტებს განუცხადა, სწორედ ამ საკითხს შეეხო შვედეთის საპარლამენტო დელეგაციასთან შეხვედრისას საუბარი.
ბოკერიას თქმით, შეხვედრაზე ასევე საქართველოს ევროინტეგრაციაზე ისაუბრეს.
“ახალი პოლიტიკური პატიმრის გაჩენა იყო მნიშვნელოვანი საკითხი, რომელზეც ვისაუბრეთ. ეს არის გამოწვევა არა მარტო ოპოზიციისთვის, ან გოგა ონიანისთვის, არამედ ეს არის გამოწვევა ქვეყნის დემოკრატიის და უსაფრთხოებისთვის. პარტნიორებთან ჩვენ ამაზე გვქონდა საუბარი”, – განაცხადა გიგა ბოკერიამ.
„ნაციონალური მოძრაობის“ წევრ გოგა ონიანს პატიმრობა გუშინ შეეფარდა.
