გია ვოლსკი – რაღაც შეიძლება შეიცვალოს

მიმდინარეობს პოლიტიკური ცხოვრება და რაღაც შეიძლება შეიცვალოს, – ასე ეხმაურება უმრავლესობის ერთ-ერთი ლიდერი გია ვოლსკი საპარლამენტო არჩევნებში “რესპუბლიკელების” შესაძლო დამოუკიდებლად მონაწილეობის საკითხს.
ვოლსკი უფრო მკაფიო შეფასების გაკეთებისთვის “რესპუბლიკური პარტიის” განცხადებას ელოდება.

“პარტიაში შიდა კონსულტაციები მიმდინარეობს და განცხადებას თავად გააკეთებენ. აქსიომაა, რომ კოალიციურ რეჟიმში მუშაობას, დივერსიფიკაციას, მრავალფეროვნებას ბევრი დადებითი აქვს. გადაწყვეტილება შეიძლება იყოს სხვანაირიც, თუმცა მე ამასთან დაკავშირებით აჟიოტაჟს არ შევქმნიდი. ვნახოთ, განცხადებას თავად გააკეთებენ”, – განუცხადა ჟურნალისტებს გია ვოსლკიმ.

კითხვაზე, რამდენად მოსალოდნელია “რესპუბლიკელების” არჩევნებში დამოუკიდებლად მონაწილეობის შემთხვევაში, “რესპუბლიკელმა” მინისტრებმა თანამდებობები დატოვონ, ვოლსკიმ განმარტა, რომ მინისტრები პარტიული ნიშნით არ ყოფილა შერჩეული. მისივე თქმით, ამასთან დაკავშირებით განსხვავებული პოზიციები არსებობს.

banner
წინა სტატიაშიპაკისტანის ტერაქტში დაღუპულების რიცხვი 70-მდე გაიზარდა
შემდეგი სტატიაგოგი თოფაძე “რესპუბლიკელებზე” – მე ნუ დამაბრალებენ, ეს მათი გადასაწყვეტია