საკონსტიტუციო სასამართლოს შესახებ კანონში დაგეგმილი ცვლილებების ერთ-ერთ მთავარ მიზეზად რუსთავი 2-თან დაკავშირებული საქმეები სახელდება. პლენარულ სხდომაზე დღეს საკონსტიტუციო ცვლილებებს განიხილავენ.
„იმიტომ დასაჯეთ მთელი ეს კოლეგიები, რომ რუსთავი 2-ის, გიგი უგულავას, მოსმენების საქმეზე მათ გადაწყვეტილებები მიიღეს,“- განაცხადა ჩიორა თაქთაქიშვილმა.
მმართველ გუნდს ინსტიტუტის დაკნინების მცდელობაში ოპოზიცია და მესამე სექტორის ნაწილი ადანაშაულებს.
“ღმერთის არ გწამთ? მარტო პირჯვრის გადაწერა პოლიტიკურ, ინსტიტუციონალურ, იურიდიულ ცოდვებს ვერ გააბათილებს,“- განაცხადა დავით დარჩიაშვილმა.
დავით დარჩიაშვილს უმრავლესობიდან ეკა ბესელიამ უპასუხა.
„ცუდია არ არის, რომ ბატონი დარჩიაშვილიც ღმერთზე ალაპარაკდა, მაგრამ არ არის კარგი, როდესაც არგუმენტები არ გაქვთ,“- განაცხადა ბესელიამ.
