გარემოსდაცვითი ზედამხედველობის დეპარტამენტის უფროსად ირაკლი მუკნიაშვილი დაინიშნა. გარემოს დაცვისა და სოფლის მეურნეობის სამინისტროს ინფორმაციით, მუკნიაშვილი 2012-2013 წლებში შსს კონტრდაზვერვის დეპარტამენტის სამსახურის უფროსის თანამდებობას იკავებდა.
2013-2014 წლებში ის გარემოსდაცვითი ზედამხედველობის დეპარტამენტს ხელმძღვანელობდა, ხოლო 2014-2017 წლებში ეროვნული სატყეო სააგენტოს უფროსის მოადგილე იყო.
ირაკლი მუკნიაშვილმა გარემოსდაცვითი ზედამხედველობის დეპარტამენტის უფროსის თანამდებობაზე პაატა ბატიაშვილი ჩაანაცვლა, რომელიც დეპარტამენტს 2016 წლის აგვისტოდან ხელმძღვანელობდა.
