განათლებისა და მეცნიერების სამინისტრო განცხადებას ავრცელებს

news
: news თებერვალი 5, 2016 16:32 განახლებულია

განათლებისა და მეცნიერების სამინისტრო განცხადებას ავრცელებს

მნიშვნელოვანი

  • განათლებისა და მეცნიერების სამინისტრო, ტელეკომპანია "რუსთავი 2"-ის საინფორმაციო გამოშვებაში, უმაღლესი განათლების შესახებ გასულ სიუჟეტთან დაკავშირებით, განცხადებას ავრცელებს.

სხვა სტატიები

განათლებისა და მეცნიერების სამინისტრო, ტელეკომპანია “რუსთავი 2”-ის საინფორმაციო გამოშვებაში, უმაღლესი განათლების შესახებ გასულ სიუჟეტთან დაკავშირებით, განცხადებას ავრცელებს.

როგორც განცხადებაშია აღნიშნული, 1 თებერვალს „რუსთავი 2“-ის საინფორმაციო გამოშვებაში გავიდა სიუჟეტი უმაღლესი განათლების შესახებ უკვე დამტკიცებულ კანონზე, თუმცა ტელეკომპანიამ წარმოაჩინა იმგვარად, თითქოს აღნიშნულ კანონს, ამჟამად კვლავ კანონპროექტის სახე აქვს.

“მიღებულ კანონს წამყვანმა კანონპროექტი რამდენჯერმე უწოდა. ასევე, დეზინფორმაციას წარმოადგენდა სიუჟეტში გაჟღერებული ფრაზა, თითქოს კანონი აკადემიური პერსონალის ტესტირებას ითვალისწინებს. რეალურად, კანონში გამოყენებულია ტერმინი ატესტაცია და არა ტესტირება (იხ. „უმაღლესი განათლების შესახებ“ საქართველოს კანონის 2-ე მუხლის გ1 პუნქტი) ეს ნიშნავს რომ სამეცნიერო-კვლევითი ერთეულების თანამშრომლები ატესტაციას გაივლიან კონკურსის ნაცვლად, იმისათვის, რომ, კანონმდებლობის შესაბამისად, დაიკავონ თანამდებობები (იხ. „უმაღლესი განათლების შესახებ“ საქართველოს კანონის 372-ე მუხლი). ხოლო საუნივერსიტეტო სივრცეში ატესტაცია შეეხება პროფესორს, რომელიც იგივე საკანონმდებლო ცვლილებებით, მუდმივ პოზიციას დაიკავებს. (იხ. „უმაღლესი განათლების შესახებ“ საქართველოს კანონის 35-ე მუხლი). კანონის თანახმად, ატესტაცია 5 წელიწადში ერთხელ არჩევნების ნაცვლად ჩატარდება, რომლის კრიტერიუმებს თავად უმაღლესი საგანმანათლებლო დაწესებულება დაამტკიცებს”, – აღნიშნულია განცხადებაში.

სამინისტროში აცხადებენ, რომ უწყებამ აუცილებლად ჩათვალა ინფორმაციის დაზუსტება, რადგან აღნიშნულმა სიუჟეტმა მოახდინა ისეთი კითხვების პროვოცირება, რომელსაც აღნიშნულ კანონთან არავითარი კავშირი არ აქვს.

news
: news თებერვალი 5, 2016 16:32 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,430
ვიზიტორი
დღეში
Powered By Google Analytics