მარენეულში, ქართული ოცნების შტაბში სროლის მიზეზი ამ დრომდე უცნობია. არსებული ინფორმაციით, სამართალდამცავებს ამ დრომდე არ დაუკითხავთ ის პირები, რომლებიც გუშინ მომხდარ ინციდენტს შეესწრნენ.
„ქართული ოცნების“ წევრებმა მარნეულში საარჩევნო შტაბში შეკრება ცოტა ხნის წინ დაიწყეს. ადგილზე იმყოფება ” ქართული ოცნების” მარნეულის საკრებულოს სიის პირველი ნომერი ამირან გიორგაძე. გიორგაძე მომხდარის დეტალებზე არ საუბრობს, თუმცა ამბობს, რომ მომხდარი პარტიის შიდა დაპირისპირებას არ უკავშირდება.
„გამოძიება მიმდინარეობს და გასცემს საბოლოო პასუხს, მე რა კომენტარი უნდა გავაკეთო. ჩვენ „ქართული ოცნება“ ვცდილობთ, რომ მაქსიმალურად შევინარჩუნოთ სიმშვიდე და მშვიდობიან პერიოდში ჩავატაროთ არჩევნები და დანარჩენს გამოძიება გასცემს პასუხს. გამორიცხულია შიდაპარტიული დაპირისპირება, ეს არის გამორიცხული და აბსოლუტური სისულელე,“-განაცხადა ამირან გიორგაძემ.