იარაღის სამალავი იპოვეს გალის რაიონის სოფელ ლეკუხონას მიდამოებში, რომელსაც სეპარატისტები ახლა “ალაკუმჰარას” უწოდებენ. იარაღის სამალავი აღმოაჩინეს რუსეთის უშიშროების ფედერალური სამსახურის სასაზღვრო სამმართველოს თანამშრომლებმა, რომლებიც აკონტროლებენ ე.წ. აფხაზეთის სასაზღვრო მონაკვეთს. ამის შესახებ ნათქვამია ამ უწყების მიერ გავრცელებულ ინფორმაციაში. სამალავიდან ამოღებულ იქნა ტანკსაწინააღმდეგო ყუმბარმტყორცნი “РПГ-26” და 16 კალიბრის ორლულიანი თოფი.