რუსეთის რეზოლუციამ, რომელიც სირიაში ქიმიური შეტევის შესახებ გამოძიების მექანიზმებს ეხებოდა, გაეროს უშიშროების საბჭოში საკმარისი 9 ხმა ვერ მოაგროვა და შესაბამისად, ვერ გავიდა. როგორც აღნიშნავენ, დოკუმენტს მხარი ექვსმა ქვეყანამ დაუჭირა, მათ შორის ორმა მუდმივმა წევრმა – რუსეთმა და ჩინეთმა. თუმცა, დოკუმენტის წინააღმდეგ შვიდი წევრი წავიდა და ორმა თავი შეიკავა.
მანამდე გავრცელდა, რომ რუსეთმა აშშ-ს რეზოლუციას სირიაში ქიმიური შეტევის გამოძიების მექანიზმებზე, ვეტო დაადო.
