გაერო-ს უშიშროების საბჭო ხვალ იერუსალიმის სტატუსის გარშემო შექმნილ სიტუაციას განიხილავს.
რეზოლუციის პროექტის მიხედვით, ქალაქის ამჟამინდელი სტატუსის ცვლილება უკანონოდ ცხადდება.
არსებული ინფორმაციით, პალესტინის მიერ მომზადებული რეზოლუციის პროექტი გაერო-ს უშიშროების საბჭოში ეგვიპტურმა დელეგაციამ შეიტანა.
“ნებისმიერ გადაწყვეტილებებს და ქმედებებს, რომლებიც წმინდა ქალაქ იერუსალიმის ხასიათის, სტატუსისა და დემოგრაფიული შემადგენლობის ცვლილებას ითვალისწინებს, არ გააჩნია იურიდიული ძალა, არის უკანონო და უნდა გაუქმდეს გაერო-ს უშიშროების საბჭოს რეზოლუციების შესაბამისად”, – აღნიშნულია პროექტში.
