ევროკავშირმა ყირიმს და სევასტოპოლს სანქციები ერთი წლით, 2017 წლის 23 ივნისამდე გაუგრძელა – ამის შესახებ ევროკავშირმა სპეციალური განცხადება გაავრცელა, სადაც აღნიშნულია, რომ ზომები მიღებულია ნახევარკუნძულის რუსეთის შემადგენლობაში არ აღიარების სტრატეგიის ფარგლებში.
„ეს შემზღუდავი ზომები მხოლოდ ყირიმის და სევასტოპოლის ტერიტორიაზე მოქმედებს და ის აუცილებელია ევროკავშირის და მის ტერიტორიაზე არსებული ყველა კომპანიისთვის“ – აღნიშნულია განცხადებაში.
სანქციების ნაწილი გულისხმობს ყირიმიდან ნებისმიერი სახეობის იმპორტის, ნებისმიერი ინვესტიციის აკრძალვას ევროკავშირიდან, მათ შორის უძრავი ქონებისას, ფინანსურ ბიზნესებს, მომსახურების გაწევას, მათ შორის ტურისტულს. ევროპულ ხომალდებს ეკრძალებათ ყირიმის პორტებში შესვლა, ექსტრემალური სიტუაციის გამოკლებით.
