ეუთოს სპეციალური მონიტორინგის მისიის დამკვირვებლის ცხედარი კიევის მიერ კონტროლირებად ტერიტორიაზე გადმოასვენეს – ამის შესახებ დღეს უკრაინული მედია ავრცელებს.
ეუთოს დამკვირვებელი გუშინ დაიღუპა სოფელ პრიშიბში, ტერიტორიაზე რომელსაც 2014 წლიდან კიევი ვერ აკონტროლებს. თვითგამოცხადებული ლუგანსკის სახალხო რესპუბლიკის ხელმძღვანელები ავრცელებენ, რომ მანქანის აფეთქება, სადაც დამკვირვებელი იჯდა, უკრაინელმა დივერსანტებმა მოაწყვეს. დაღუპული ბრიტანეთის მოქალაქე იყო.
