თბილისის სახელმწიფო უნივერსიტეტში ცოტა ხნის წინ განვითარებულ მოვლენებთან დაკავშირებით 115-ე აუდიტორიის წარმომადგენლებმა განცხადება გააკეთეს. სტუდენტები აცხადებენ, რომ ეს არის მათი გამარჯვება. დაახლოებით, ერთ საათში ვლადიმერ პაპავასა და 115-ე აუდიტორიის სტუდენტებს შორის შეხვედრაა დაგეგმილი.
„ეს აუდიტორია 115-ის გამარჯვებაა, ამ პროცესში ჩვენი ბრძოლა განათლების სამინისტროსთან ერთად გრძელდება, ჩვენ უნდა მივიღოთ ახალი საკანონმდებლო ცვლილებები, რომლითაც რექტორისა და აკადემიური საბჭოს არჩევის წესი და საბჭოს წევრთა რაოდენობა უნდა შეიცვალოს,“- განაცხადა აუდიტორია 115-ის წარმომადგენელმა.
უნივერსიტეტში ამ წუთებში პრეზიდენტის მრჩეველი ფიქრია ჩიხრაძე მივიდა, რომელიც ვლადიმერ პაპავასთან შეხვედრას გეგმავს.
დღეს ვლადიმერ პაპავამ თანამდებობიდან გადაგომის გადაწყვეტილება მიიღო.