თავისუფალი დემოკრატები მუხლის გადაკვალიფიცირებას და მისიმკვლელობის მცდელობად შეცვლას ითხოვენ. პარტიის ლიდერები პასუხის მოლოდინში არიან.
ჰყავს თუ არა გამოძიებას სავარაუდო ეჭვმიტანილი და რა ეტაპზეა გამოძიება – ირაკლი ალასანია და მისი თანაგუნდელები ალექსი პეტრიაშვილზე თავდასხმის საქმეზე ახალ დეტალებს ელოდებიან. თავისუფალი დემოკრატები პრემიერთან შეხვედრას ითხოვენ.
„ეს არ იყო მხოლოდ თავდასხმა. ეს იყო რეალურად მკვლელობის მცდელობა. თუ ეს დანაშაული დარჩა გამოუძიებელი, ეს იქნება ძალიან ცუდი ლაქა ჩვენი ქვეყნის იმიჯზე,“ – განაცხადა ირაკლი ჩიქოვანმა.
