“ერთიანი ნაციონალური მოძრაობის“ დეპუტატები მიხეილ მაჭავარიანი და გიგი წერეთელი სამუშაო ვიზიტით ამერიკის შეერთებულ შტატებში იმყოფებიან, რომლის ფარგლებშიც დეპუტატები შეხვედრებს გამართავენ ეროვნული უშიშროების საბჭოში, აშშ კონგრესში, საერთაშორისო რესპუბლიკურ ინსტიტუტში (IRI), ეროვნულ-დემოკრატიულ ინსტიტუტსა (NDI) და საარჩევნო სისტემების საერთაშორისო ფონდში (IFES).
მიხეილ მაჭავარიანმა და გიგი წერეთელმა შეხვედრა გამართეს
აშშ-ის სახელმწიფო დეპარტამენტის კავკასიის საკითხთა და რეგიონალური კონფლიქტების ოფისის დირექტორ ქალბატონ ფრანჩესკისთნ.
შეხვედრაზე საუბარი შეეხო საქართველოში არსებულ პოლიტიკურ ვითარებას, საარჩევნო წელთან დაკავშირებულ პრობლემებს – საარჩევნო კანონმდებლობასა და საარჩევნო გარემოს საკითხებს, ოპოზიციისა და ხელისუფლების დამოკიდებულებას, მედია თავისუფლებას.
ასევე, მხარეებმა განიხილეს ქვეყნის ეკონომიკური მდგომარეობა, აშშ-სა და საქართველოს ორმხრივი ურთიერთობების საკითხები.
