“ერთ-ერთმა ბრალდებულმა გარდაცვლილის ორგანოები შეჭამა,” – საქლაქო სასამართლოში კანიბალიზმით ჩადენილ მკვლელობაზე პროცესი იწყება

საქალაქო სასამართლომ დღეს საზარელ მკვლელობაში ბრალდებულებისა და ამ საქმეზე დაკავებული პირების აღკვეთის ღონისძიების შეფარდების საკითხი უნდა გადაწყვეტოს. პროცესი რამდენიმე წუთში დაიწყება.

5 დაკავებულიდან ერთ-ერთი არასრულწლოვანია, რის გამოც პროცესი დახურული იქნება. სამ ახალგაზრდას – მათ შორის მოკლულის შვილს – დამამძიმებელ გარემოებაში ჯგუფურად ჩადენილ განზრახ მკვლელობაში, ორს კი დანაშაულის დაფარვის მცდელობაში ადანაშაულებენ.

ხუთივე ბრალდებულის შემთხვევაში პროკურატურა პატიმრობას ითხოვს. ბრალდების მხარე აცხადებს, რომ არსებობს არაერთი მტკიცებულება და ადგილი ჰქონდა კანიბალიზმს.

“ერთ-ერთმა ბრალდებულმა, რომლის ვინაობასაც გამოძიების ინტერესებიდან გამომდინარე არ ვასახელებ, გარდაცვლილის გარკვეული ორგანოები შეჭამა,”-აცხადებს პროკურატურის წარმომადგენელი.

banner
წინა სტატიაშიპროტესტის მეოთხე დღე ზვარეში – გაფიცულები მოთხოვნების დაკმაყოფილებამდე კომპანიას მუშაობის საშუალებას არ მისცემენ
შემდეგი სტატია“ქართული ოცნების” ოფისთან აქცია მიმდინარეობს