ემირ კუსტურიცა შეუერთდა ფსევდო-მოძრაობას “აფხაზეთის კეთილი ნების ელჩები”

timer.ge თაიმერი
: timer.ge თაიმერი ნოემბერი 7, 2017 11:36 განახლებულია

ემირ კუსტურიცა შეუერთდა ფსევდო-მოძრაობას “აფხაზეთის კეთილი ნების ელჩები”

ემირ კუსტურიცა

სერბი კინორეჟისორი ემირ კუსტურიცა შეუერთდა ფსევდო-მოძრაობას “აფხაზეთის კეთილი ნების ელჩები”. შესაბამისი დამადასტურებელი სერტიფიკატი და მედალი მას გადაეცა მოსკოვში, სადაც ფაქტიურად დაარსდა ეს ფსევდო-მოძრაობა. კუსტურიცამ მხარი დაუჭირა ე.წ. “აფხაზეთის კეთილი ნების ელჩების” ინიციატივას, რომელიც ვითომ მიზნად ისახავს “მსოფლიოს ყურადღების მიპყრობას აფხაზეთში უძველესი ქრისტიანული ძეგლების პრობლემებისადმი”.
“მე მხარს ვუჭერ “აფხაზეთის კეთილი ნების ელჩების” მოწოდებას. აფხაზეთში არსებული უძველესი ქრისტიანული ტაძრები უნდა შენარჩუნდნენ და ისინი უნდა იხილოს მომავალმა თაობამ”, – აღნიშნა კუსტურიცამ.
მისი თქმით, აფხაზეთი არის მსოფლიო ქრისტიანობის უძველესი ცენტრი. კავკასიაში პირველი ეკლესიები სწორედ აფხაზეთის ტერიტორიაზე გაჩნდა და მსოფლიო თანამეგობრობას, პირველ რიგში გაეროს, არ შეუძლია იქ მდებარე მსოფლიო მნიშვნელობის ქრისტიანული ტაძრების განადგურებას გულგრილად უყუროს.
შეგახსენებთ, ამა წლის 2 ოქტომბერს ე.წ. “აფხაზეთის კეთილი ნების ელჩებმა” გაავრცელეს ვიდეომიმართვა იუნესკოსადმი და მოითხოვეს, რომ ამ უკანასკნელმა განიხილოს აფხაზეთში არსებული ტაძრების შენარჩუნების საკითხი.

timer.ge თაიმერი
: timer.ge თაიმერი ნოემბერი 7, 2017 11:36 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,617
ვიზიტორი
დღეში
Powered By Google Analytics