ეკა გიგაური: მგონია, რომ ახალი მთავარი პროკურორი არ უნდა დანიშნოს მოქმედმა იუსტიციის მინისტრმა, რომელიც კმაყოფილი იყო შოთაძის მუშაობით

timer.ge თაიმერი
: timer.ge თაიმერი ივნისი 3, 2018 13:16

ეკა გიგაური: მგონია, რომ ახალი მთავარი პროკურორი არ უნდა დანიშნოს მოქმედმა იუსტიციის მინისტრმა, რომელიც კმაყოფილი იყო შოთაძის მუშაობით

მნიშვნელოვანი

  • მგონია, რომ ახალი მთავარი პროკურორი არ უნდა დანიშნოს მოქმედმა იუსტიციის მინისტრმა, რომელიც კმაყოფილი იყო შოთაძის მუშაობით

სხვა სტატიები

რუსთაველის გამზირზე განვითარებული მოვლენების შემხედვარე იმაზე ვფიქრობ, რა იქნება ახლა. მთავარია არ დავივიწყოთ სარალიძის სატკივარი და სამართალი იპოვოს ამ ადამიანმა. ამ აქციების პოლიტიკური პარტიების ორგანიზებით გაგრძელება სწორი არის თუ არა დრო გვანახებს. ვფიქრობ ჩვენი მხრიდან ჩვენ აუცილებლად უნდა მოვითხოვოთ :

1. გამოძიებამ დაადგინოს მკვლელობაში ჩართული ყველა პირი. ასევე დაადგინოს ვინ ახდენდა გავლენას გამოძიებაზე და ვინ აფარებდა დამნაშავეებს ხელს.

2. დაინიშნოს არაპარტიული, მიუკერძოებელი და საზოგადოების ნდობით აღჭურვილი მთავარი პროკურორი. მოქმედი სამთავრობო გუნდის წიაღიდან გამოსული მთავარი პროკურორი ამინდს ვერ შეცვლის.

მგონია, რომ ახალი მთავარი პროკურორი არ უნდა დანიშნოს მოქმედმა იუსტიციის მინისტრმა, რომელიც კმაყოფილი იყო შოთაძის მუშაობით, მადლობებს უხდიდა მას მრავალი გამოუძიებელი საქმის ფონზე და ამდენი წლის განმავლობაში ვერ მოახერხა მართლმსაჯულების სიტემაში ეფექტური რეფორმების გატარება.

პრემიერმა პროკურორის არჩევის ღია პროცესი დააანონსა. იმედია ეს მხოლოდ სიტყვებად არ დარჩება. პროკურატურას დღეს ნდობის აღდგენა ჭირდება და ამ შანსის დაკარგვა არ შეიძლება.

3. პარლამენტში საგამოძიებო კომისიაში, როგორც ვიცი, ოპოზიციას ექნება დიდი როლი. ამდენი ხნის განმავლობაში პირველად მოხდა ოპოზიციის ამ მოთხოვნის დაკმაყოფილება. იმედია ისინი გაართმევენ თავს ამ გამოძიებას. ახლა ისინი იღებენ კონკრეტულ პასუხისმგებლობას და მათაც უნდა მოვთხოვოთ ეფექტური მუშაობა.

4. ბოლოსდაბოლოს თავი მოვაბათ მართლმსაჯულების სისტემის რეალურ რეფორმას. ის რაც ხდება სასამართლოში და პროკურატურაში, სერიოზული მისახედია. წინააღმდეგ შემთხვევაში, ქვეყანა მუდმივად იდგება არასტაბილურობის და კრიზისის საფრთხის წინაშე-წერს “საერთაშორისო გამჭვირვალობა საქართველოს” აღმასრულებელი დირექტორი ეკა გიგაური.

timer.ge თაიმერი
: timer.ge თაიმერი ივნისი 3, 2018 13:16

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,160
ვიზიტორი
დღეში
Powered By Google Analytics