მსახიობი ეკა ჩხეიძე, ფეისბუქის საკუთარ გვერდზე, მიხეილ თუმანიშვილის სახელობის კინომსახიობთა თეატრის სამხატვრო ხელმძღვანელის თანამდებობიდან ახლახან გათავისუფლებულ რეჟისორს – ქეთი დოლიძეს მიმართავს:
არ მაინტერესებს ვინ მართალია და ვინ მტყუანი, არც არავის დამცველად გამოვდგბი,კატეგორიულად არ მინდა ჩავერთო და ბოლომდე გავერკვე იმ ბინძურ ინტრიგებში, რაც თუმანიშვილის თეატრის კედლებში ხდება…ის დრო და უარყოფითი ენერგია, რაც ერთმანეთის ჭამაში დაიხრჯა, საქმეს რომ მოხმარებოდა,უკეთეს შედეგს მივიღებდით სცენაზე..მაგამ ეს სხვა თემაა… მე უბრალოდ ქეთი დოლიძეს მინდა ვუთხრა ერთი რამ ( ეს პირადად მისთვისაც მითქვამს და ამიტომ თავხედურად აქაც საჯაროდ გავიმეორებ) ქეთი, ღირსი ხარ !!! ვეღარ ისწავლე, რომ ადამიანი უმადურია !!
