საქართველოს პრემიერ-მინისტრი დღეს ევროსაბჭოს საპარლამენტო ასამბლეაზე სიტყვით გამოვა. გიორგი კვირიკაშვილი ევროპარლამენტარების წინაშე, თბილისის დროით 14:00 საათზე წარსდგება და მისი გამოსვლა დაახლოებით ერთი საათი გაგრძელდება.
მმართველი გუნდის განცხადებით, საუბარი შეეხება იმ წარმატებულ რეფორმებს, რომელიც საქართველოს ხელისუფლებამ განახორციელა. ეკა ბესელიას განცხადებით, პრემიერს საშუალება ექნება გააქარწყლოს ის ინფორმაციები, რომლებიც ევროპელ კოლეგებს აქვთ მიწოდებული.
„ის ცალკეული, ზოგჯერ არასწორი ინფორმაციები, რაც ვრცელდება ხოლმე, იქნება სრულიად გაქარწყლებული, პრემიერის დღევანდელი გამოსვლა ყველა კითხვაზე პასუხის გაცემის თავსაზრისით იქნება ბევრის მომცემი და ნათელი. კითხვაში არ არის სირთულე, რადგან ყველა კითხვაზე არსებობს პასუხი“, – აცხადებს ეკა ბესელია.