საპატრიარქოს ადვოკატი, ედიშერ ქარჩავა, დეკანოზს უკანონო ქმედებაში ადანაშაულებს. განსხვავებული აქცენტების ეთერში მან ექსკლუზიური განაცხადება გააკეთა და აღნიშნა, რომ საპატრიარქოში იციან დოკუმენტის შესახებ, სადაც ჩანს, რომ დეკანოზი 50 მილიონი ევროს გათეთრებას აპირებდა. მან აღნიშნა, რომ არსებობს მამალაძის ხელმოწერილი ხელშეკრულება.
„საინტერესოა, საიდან ჰქონდა საზღვარგარეთ ესპანეთში გახსნილი კომპანია მღვდელს, რომელსაც სამეწარმეო საქმიანობის უფლება არა აქვს და არ შეიძლება, რომ მღვდელი ბიზნესმენი იყოს. კანონიკური სამართლის ნორმებითაც ეს დაუშვებელია და 50 მილიონი ევროს ტრანზაქცია უნდა განხორციელებულიყო… ფულის ტრანზაქცია უნდა განხორციელებულიყო. თავმჯდომარე უნდა ყოფილიყო თავად მამა გიორგი მამალაძე და ეს უკანონო ფული უნდა გათეთრებულიყო და ეკლესია უნდა გამოყენებულიყო და საქართველოს სახელმწიფოს წინააღმდეგაც კი იყო გარკვეული ქმედება იყო მიმართული,“ – აცხადებს ედიშერ ქარჩავა.
მან გადაცემაში აღნიშნა, რომ ამის შესახებ არსებობს დოკუმენტაცია, თუმცა, პირადად მას არა აქვს და ვერც იმის გარანტიას იძლევა, რომ მას საპატრიარქო გაასაჯაროვებს.
