ცხინვალის რეჟიმის ე.წ. საგარეო საქმეთა სამინისტრო იტყობინება, რომ დიმიტრი მედოევმა, ზემოდხსენებული უწყების მეთაურმა, იტალიაში ყოფნის დროს რამდენიმე ღონისძიებაში მიიღო მონაწილეობა, მათ შორის, ქალაქ პეზაროში გახსნილ ოს მხატვართა ნამუშევრების გამოფენაში. ოსური მედიის ცნობით, მედოევი შეხვდა პოლიტიკური და კულტურული წრეების წარმომადგენლებს, თუმცა არ არის დაკონკრეტებული კერძოდ რომელ პოლიტიკოსს ან კულტურის მოღვაწეს შეხვდა.
მედოევის განცხადებით, მისი ვიზიტი მიზნად ისახავს ე.წ. სამხრეთ ოსეთის საერთაშორისო კავშირების გაღრმავებას როგორც იტალიაში, ასევე ევროპის სხვა სახელმწიფოებშიც.
