ე.წ. კაბელების საქმეზე დღეს სააპელაციო სასამართლოში მორიგი პროცესი იმართება. სასამართლო პროცესზე შესავალის სიტყვით წარსდგება დაცვის მხარე, ბრალდება კი შესავალი სიტყვით მომდევნო სხდომაზე, 20 ოქტომბერს გამოვა.
“დაცვის მხარე წარმოადგენს თავის ახსნა-განმარტებას, ჩვენ გვაქვს სააპელაციო საჩივარი დაახლოებით 100 გვერდიანი, სადაც დეტალურად, საქმეში არსებული მტკიცებულებებით, არის დასაბუთებული პირველი ინსტანციის განაჩენის უსაფუძვლობა,”-აცხადებს ადვოკატი სოსო ბარათაშვილი.
სხდომაზე დასწრებას „თავისუფალი დემოკრატები“ სრული შემადგენლობით გეგმავენ. სასამართლო პროცესს დაესწრება ირაკლი ალასანიაც.
