ძმები კოენებიდან ერთ-ერთმა, აშშ-ს პრეზიდენტს დონალდ ტრამპს სთხოვა ქვეყნის ოფიციალური პოეტი გახადოს – სახუმარო ღია წერილი ითან კოენმა The Huffington Post-ზე გამოაქვეყნა.
“ამერიკული პოეზია ამერიკის სიდიადეს უნდა უმღეროდეს. მოდით, გულწრფელად, ბატონო პრეზიდენტო: უკანასკნელი პერიოდის მანძილზე ლექსები არც თუ ისე დიდებული იწერებოდა” – წერს პროდიუსერი, სცენარისტი და პოეტი.
მისი თქმით, ექს-პრეზიდენტ ბარაკ ობამას ოფიციალური პოეტები კატასტროფულები იყვნენ, მათი ხელმძღვანელობით, ამერიკული პოეზიის უმეტესობა რიტმშიც ვერ ჯდებოდა, “რაც ქათმის სადილს გავს, მაგრამ ქათმის გარეშე”. “მეორეს მხრივ, ჩემი პოეზია ყოველთვის ირითმება” – წერს კოენი და პრეზიდენტს არწმუნებს, რომ ერთ-ერთი მიზეზი, თუ რატომ უნდა განიხილოს მისი კანდიდატურა, არის ის, რომ აშშ-ს ახლანდელ ოფიციალურ პოეტს ხუან ფელიპ ერერას (Juan Felipe Herrera) მალე გაადეპორტებენ.
მან, დონალდ ტრამპს ასევე, მოუწოდა, ამერიკული პოეზია ისევ დიადი გახადოს.
