ძლიერმა ქარმა ფოთში საცხოვრებელ კორპუსებსა და კერძო სახლებს სახურავები გადახადა. სახლების სახურავები ზოგი ნაწილობრივ დაზიანდა, ზოგი კი მთლიანად გამოუსადეგარია. სტიქიის შედეგად დაზიანებულია ასევე ელექტროგადამცემი ხაზები, რის გამოც ქალაქის ნაწილს ამ დრომდე არ მიწოდება ელექტროენერგია. აღნიშნული დაზიანების აღმოსაფხვრელად სპეციალისტები ინტენსიურად მუშაობენ.
დილიდან ყველა ლოკაციაზე მერიის შესაბამისი სამსახურები მივიდნენ, შექმნილია ზარალის დამთვლელი კომისია და ზარალის ზუსტი ოდენობა სავარაუდოდ დღის ბოლომდე გახდება ცნობილი. როგორც მერიაში აცხადებენ, მოსახლეობისთვის ზარალის ანაზღაურება უმოკლეს დროში მოხდება.
