ძლიერი ნისლის გამო თბილისის საერთაშორისო აეროპორტში 2 რეისი გაუქმდა. როგორც ჟურნალისტებს თბილისის საერთაშორისო აეროპორტში განუცხადეს, გარდა ამისა, 5 ავიარეისის გადამისამართება სხვა აეროპორტებში მოხდა.
მათივე ინფორმაციით, გაუქმდა თეირანიდან და დუბაიდან თბილისის მიმართულებით დაგეგმილი ფრენები.
თბილისის საერთაშორისო აეროპორტში განმარტავენ, რომ ნისლის გამო შეფერხება მხოლოდ დროის გარკვეულ მონაკვეთში იყო და ამჟამად აეროპორტში რეისების მიღება და გაფრენა ჩვეულ რეჟიმში მიმდინარეობს.