პრემიერმინისტრი ამერიკის სახელმწიფო მდივანთან აუდიენციას ეხმაურება. კვირიკაშვილმა განმარტა, რომ ძალიან მნიშვნელოვანი იქნება ჯონ კერის ვიზიტი, რომელიც საქართველოში ზაფხულში იგეგმება.
პრემიერმა ასევე იმ მხარდაჭერაზე ისაუბრა, რომელიც სავარაუდოდ აშშ-ის მხრიდან ექნება საქართველოს.
“ძალიან მკაფიო მხარდაჭერა გამოითქვა საქართველოს მიმართ ჩვენი დამოუკიდებლობის, ტერიტორიული მთლიანობის მიმართ. ასევე ჩვენი ეკონომიკური განვითარების კუთხით იქნება ძალიან მნიშვნელოვანი მხარდაჭერა შეერთებული შტატების მხრიდან,” – აღნიშნა გიორგი კვირიკაშვილმა.
როგორც ცნობილია ამერიკის შეერთებულ შტატებში ვიზიტის ფარგლებში, საქართველოს საგარეო საქმეთა მინისტრმა მიხეილ ჯანელიძემ შეხვედრა გამართა აშშ-ის სახელმწიფო მდივანთან ჯონ კერისთან.