მოსკოვში, დომოდედოვოს აეროპორტში სატრანსპორტო პოლიციის თანამშრომლებმა საქართველოს მოქალაქე დააკავეს, რომელიც 15 წლის განმავლობაში იძებნებოდა. ინფორმაციას ამის შესახებ სააგენტო “იტარ-ტასი” რუსეთის შინაგან საქმეთა სამინისტროზე დაყრდნობით ავრცელებს.
დაკავებული მამაკაცის ვინაობა არ სახელდება. ცნობილია, რომ ის 58 წლისაა. როგორც “იტარ-ტასი” წერს, მამაკაცზე საქართველოს შინაგან საქმეთა სამინისტრომ ფედერალური ძებნა 1991 წელს გამოაცხადა. ის ყაჩაღობასა და გაუპატიურებაშია ეჭვმიტანილი. დაკავებულს წინასწარი პატიმრობა შეუფარდეს. ამჟამად რუსული მხარე მისი საქართველოსთვის გადაცემის საკითხს განიხილავს.