ეკონომიკის მინისტრის, დიმიტრი ქუმსიშვილის განცხადებით, ძალიან მალე ცნობილი გახდება ის გეგმა, რომლის მიხედვითაც ეკონომიკური გუნდი ლარის კურსის დარგულირებას შეძლებს.
„ლარი შეიძლება ხანდახან გაუფასურდეს, ხანდახან შეიძლება გამყარდეს. მნიშვნელოვანია, თუ რაზე მოქმედებს ლარის მერყეობა. ორი რაღაც არის: ფასების საერთო ზრდა და განკარგვადი შემოსავალი, რომელიც რჩება ჩვენს მოსახლეობას. მე დიდი იმედი მაქვს, რომ ძალიან მალე ჩვენ გავაკეთებთ განცხადებას, სადაც ვიტყვით, თუ როგორ შეიძლება დარეგულირდეს, რომ ჩვენს მოსახლეობას განკარგვადი შემოსავალი შეუნარჩუნდეს“, – განუცხადა ჟურნალისტებს დიმიტრი ქუმსიშვილმა.