საპარლამენტო უმრავლესობის წარმომადგენელი დიმიტრი ხუნდაძე პარლამენტის ჯანდაცვისა და სოციალურ საკითხთა კომიტეტის თავმჯდომარის პოსტზე წარდგენილ აკაკი ზოიძეს წარმატებას უსურვებს.
ხუნდაძის თქმით, ის დარწმუნებულია, რომ აღნიშნული კომიტეტი საქმიანობას წარმატებით გააგრძელებს.
“ჯანდაცვის კომიტეტს უხელმძღვანელებს აკაკი ზოიძე, მე მას წარმატებას ვუსურვებ. მე დავიკავებ ამჯერად პირველი მოადგილის თანამდებობას.
ვფიქრობ, ჯანდაცვისა და სოციალურ საკითხთა კომიტეტი წარმატებული იქნება მომდევნო პარლამენტის მოწვევაში”- განაცხადა ხუნდაძემ.
“ქართული ოცნება” ჯანმრთელობის დაცვისა და სოციალურ საკითხთა კომიტეტის თავმჯდომარედ აკაკი ზოიძეს წარადგენს.