უამინდობა საქართველოში – დიდთოვლობამ პრობლემები რამდენიმე რეგიონში შექმნა, ჩაიკეტა სოფლებამდე მისასვლელი გზები. სამცხე-ჯავახეთის რეგიონის რამდენიმე სოფელში გზის გაწმენდითი სამუშაოები ამ დრომდე გრძელდება.
მაღალმთიან სამცხე-ჯავახეთში ამ წუთებშიც ინტენსიურად თოვს. ახალციხესა და ახალქალაქში გზებზე გადაადგილების პრობლემა არ არის, რადგან ტექნიკური მარილი იყრება, თუმცა ტრასებზე პრობლემები შეიქმნა.
ოფიციალური ინფორმაციით, შეზღუდვებია ხაშური-ახალციხე-ვალეს გზაზე, ასევე ახალციხე-ნინოწმინდის გზაზე, პრობლემებია ახალქალაქი-კარწახის მონაკვეთზე, სადაც აკრძალულია მოძრაობა მისაბმელიანი და ნახევარად მისაბმელიანი ავტომობილებისთვის, ასევე აკრძალულია 30-ზე მეტი ადგილიანი ავტობუსების მოძრაობა, მსუბუქი ავტომობილებისთვის მოძრაობა ნებადართულია.
როგორც ცნობილია, რამდენიმე სოფელთან დამაკავშირებელ გზაზეც პრობლემებია, ამ წუთებში გზის გაწმენდითი სამუშაოები მიმდინარეობს.
