საზოგადოებრივი წესრიგისა და უსაფრთხოების დაცვის მიზნით, დღეს დედაქალაქის რამდენიმე ქუჩაზე მოძრაობა აიკრძალება.
აღნიშნულის შესახებ შინაგან საქმეთა სამინისტრო განცხადებას ავრცელებს.
„ შინაგან საქმეთა სამინისტრო გაცნობებთ, რომ მიმდინარე წლის 17 მაისს თბილისში დაგეგმილ აქციებთან დაკავშირებით, საზოგადოებრივი წესრიგისა და უსაფრთხოების დაცვის მიზნით, რამდენიმე ქუჩაზე მოძრაობა აიკრძალება.
16 მაისს, 21:00 საათიდან ვარდების მოედანი გადაიკეტება. 17 მაისს, 09:30 საათიდან ყველა სახის სატრანსპორტო საშუალებისთვის მოძრაობა აიკრძალება – თავისუფლების მოედანზე, ასევე, რუსთაველის გამზირზე და ყველა მის მკვეთ ქუჩაზე.
ავტომანქანები შემოვლითი გზით, რევაზ თაბუკაშვილის ქუჩის გავლით, მარჯვენა სანაპიროზე იმოძრავებენ.
სატრანსპორტო მოძრაობა აქციების დასრულებისთანავე აღდგება“, – აღნიშნულია განცხადებაში.
