ჩეხი Nikolas Pravda, რომელმაც გერმანიაში დეზინფორმაციული საიტი დაარსა, საკმაო ფულს შოულობს. Fake News-ს გამოქვეყნებული მასალების გამო პრობლემები ჰქონდა სამართალდამცავ ორგანოებთან, მაგრამ საქმიანობა იმდენად მომგებიანია, რომ მას ეს უღირს. “მერკელი ჰიტლერის ნათესავია. რატომ არ ატარებენ დნმ ტესტებს, რისი ეშინიათ?” ამ ტიპის „ნიუსების“ მკითხველი ბევრია და საიტის პოპულარობაც იზრდება, თუმცა ყველამ იცის, რომ ეს დეზინფორმაციული საიტია. შემოსავლის წყაროს განთავსებული სარეკლამო ბანერები წარმოადგენენ, თუმცა არაა გამორიცხული, რომ მიზანმიმართული დეზინფორმაციისთვის მავანი ფულსაც იხდიდეს.