როგორც „თაიმერისთვის“ ხდება ცნობილი, „დემოკრატიული მოძრაობა“ ზუგდიდში მაჟორიტარობის კანდიდატად 10 სექტემბერს გონერი პაპავას დაასახელებს. „დემოკრატიული მოძრაობის“ ზუგდიდის ოფისის წარმომადგენლები პაპავასთან ერთად მოსახლეობასთან შეხვედრებს უკვე მართავენ. გონერი პაპავას ინფორმაციით, პარტიის ლიდერი, ნინო ბურჯანაძე ზუგდიდში ჩასვლას და მოსახლეობასთან შეხვედრებს ამ დღეებში აპირებს. აღსანიშნავია, რომ გონერი პაპავა 2013-2015 წლებში, ზუგდიდის რესურსცენტრის ხელმძღვანელი იყო, თუმცა განათლების სამინისტრომ თანამდებობიდან მასწავლებელთა სახლის მშენებლობის ხელისშეშლის ბრალდებით გაათავისუფლა. პაპავა „დემოკრატიულ მოძრაობას“ წევრი მიმდინარე წლის ივნისში გახდა.