ფონიჭალაში, დედა-შვილის მკვლელობაში ბრალდებულ გიორგი ხაბელაშვილს აღკვეთის ღონისძიების სახით პატიმრობა შეეფარდა. წინასასამართლო სხდომა 15 სექტემბერს, 11:00 საათზე ჩაინიშნა. დღევანდელ პროცეზე გიორგი ხაბელაშვილმა ჩვენების მიცემის პროცესში პროკურატურის მხრიდან ზეწოლის ფაქტებზე ისაუბრა.როგორც მან განაცხადა, დაკავების დროს, ასევე სამმართველოში მუდმივად ხდებოდა მასზე ფიზიკური და სიტყვიერი ზეწოლა. მოსამართლე რომან ხორავამ პროკურორებს გიორგი ხაბელაშვილის განცხადებაზე რეაგირებისკენ მოუწოდა.