უშიშროების საბჭოს სხდომა 14 საათისთვის არის დაგეგმილი. მთავარი განსახილველი საკითხი ნატოს ვარშავის სამიტი და საერთაშორისო მისიებთან დაკავშირებული თემებია.
არ არის გამორიცხული დღის წესრიგს სხვა საკითხებიც დაემატოს. სხდომაზე მიწვეულია საბჭოს ყველა წევრი.
„თუ უშიშროების საბჭოს სხდომაა და თუ ცოცხალი ვარ, მე მგონი ქვეყანას ჭირდება გაფრთხილება და ქვეყნის უსაფრთხოება და უშიშროება არის ნომერ პირველი ამოცანა,“ – განაცხადა პარლამენტის თავმჯდომარემ დავით უსუფაშვილმა.
უშიშროების საბჭოს სხდომის დასრულების შემდეგ, პრეზიდენტის რეზიდენციაში საზეიმო მიღება გაიმართება. ის ეროვნული უშიშროების საბჭოს დაარსების 20 წლისთავს ეძღვნება.