დავით უსუფაშვილი დავით ნარმანიას თხოვნით მიმართავს

news
: news დეკემბერი 8, 2015 14:54

დავით უსუფაშვილი დავით ნარმანიას თხოვნით მიმართავს

საქართველოს პარლამენტის თავმჯდომარე დავით უსუფაშვილი თბილისის მერს დავით ნარმანიას სთხოვს, უფრო მეტად წარმოაჩინოს, რასაც მერია აკეთებს.
დავით ნარმანიას საქმიანობის შეფასება პარლამენტის თავმჯდომარეს დღეს პარლამენტში აკრედიტებული მედიასაშუალებების წარმომადგენლებთან შეხვედრაზე მოუწია. იგივე ასევე გამოეხმაურა დედაქალაქის მერის განცხადებას, რომ ნახევარი მილიონი ხე უკვე დარგულია.
“მე ნამდვილად ვერ მოვახერხებ შევამოწმო, ნახევარი მილიონი თუ 457 507 ხე არის დარგული. დავით ნარმანია არის ადამიანი, რომელსაც ვიცნობ თითქმის 20 წელია, არის გამორჩეული თავისი ცოდნით, პატიოსნებით და უანგარობით, როცა საქმე ეხება შრომას. თბილისს აქვს ბევრი თემა და საკითხი, რომლის მოგვარებას ძალიან ბევრი ადამიანის ერთობლივი შრომა სჭირდება და ამ შრომას მერე სჭირდება გარკვეული გამოკვეთა, წარმოჩნება. შესაძლოა, ეს დავითების პრობლემაა, მეც მეუბნებიან ხოლმე რომ ნაკლებად წარმოვაჩენ იმას, რასაც ვაკეთებ, ამიტომ მე დათოსაც მინდა ვთხოვო, რომ მეტად წარმოაჩინოს ის, რასაც აკეთებს თავადაც და მერიაც და ყოველი ჯერ კიდევ ამოუვსებელი ორმო ან ჯერ კიდევ დაურგავი ხე ქალაქში ნუ იქნება შეფასების კრიტერიუმი”, – განაცხადა უსუფაშვილმა.
მისივე თქმით, ხეები მართლაც ირგვება და ის მიესალმება, რომ გარემოს დაცვა დედაქალაქის მერის პრიორიტეტია.

news
: news დეკემბერი 8, 2015 14:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,921
ვიზიტორი
დღეში
Powered By Google Analytics