“ჩვენს პარტიაში არიან რეტროგრადები და რეფორმატორები,” – ამის შესახებ გადაცემა არჩევანში ქართული ოცნების ერთ-ერთმა ლიდერმა, ზაქარია ქუცნაშვილმა, განაცხადა.
ქუცნაშვილი ნაწილობრივ დაეთანხმა მის ყოფილ თანაგუნდელს, არმაზ ახვლედიანს, რომელიც პარტიაში არსებულ მმართველობის მეთოდებზე საუბრობდა.
მისი თქმით, მასაც უჭირდა პოლიტსაბჭოში მუშაობა, თუმცა კონკრეტული გვარების დასახელებისგან თავი შეიკავა.
„ჩვენს პარტიაში არიან რეტროგრადები და რეფორმატორები. მოსაზრება იმისა, რომ მივისწრაფოდეთ იმისკენ, რომ რეფორმატორებმა მართონ ყველა პარტია საქართველოში, რა თქმა უნდა, სწორი მოსაზრებაა,“ – აცხადებს ზაქარია ქუცნაშვილი.
