ორსართულიანი სახლი დაიწვა ღამით ჭიათურაში. ინციდენტის დროს სახლში მოხუცი მამაკაცი იმყოფებოდა, თუმცა მისი გამოყვანა დროულად მოხერხდა. ის არ დაშავებულა.
ადგილობრივების თქმით, გამოძახებაზე მისვლა დააგვიანა სახანძრო-სამაშველო სამსახურმა. სახლი კი მთლიანად დაიწვა. დაზიანებულია სხვა საცხოვრებელი სახლებიც და ჩამსხვრეულია შუშები.
ჯერ-ჯერობით უცნობია რა გახდა ცეცხლის გაჩენის მიზეზი. ადგილზე გვიანობამდე მუშაობდნენ სამართალდამცველებიც.
