კიევის ყოფილმა მერმა, ლეონიდ ჩერნოვეცკიმ, აჭარის უმაღლეს საარჩევნო კომისიაში, ქობულეთის მაჟორიტარი დეპუტატობის კანდიდატად რეგისტრაციისთვის განცხადება შეიტანა.
განცხადება საინიციატივო ჯგუფის სახელით, 9 აგვისტოს შევიდა.
“შემოსულია ხელმოწერები, ნარკოლოგიური ცნობა, საჭირო დოკუმენტაცია. დასარეგისტრირებლად საჭიროა პროცედურების გავლა”,- აცხადებენ აჭარის უმაღლეს საარჩევნო კომისიაში.
შეგახსენებთ, რომ ლეონიდ ჩერნოვეცკის პოლიტიკური აქტივობის შეწყვეტის შესახებ განცხადება, მიმდინარე წლის 13 მაისს, პარტიის საარჩევნო შტაბის ხელმძღვანელმა, გიორგი ქვრივიშვილმა გააკეთა. მანვე აღნიშნა, რომ ლეონიდ ჩერნოვეცკი პოლიტიკური ფიგურა აღარ იქნებოდა.
წყარო: www.pia.ge