ფრანგული სატირული ყოველკვირეული ჟურნალი Charlie Hebdo მასზე თავდასხმის წლისთავზე მილიონი ტირაჟით გამოვა – წერს The Guardian.ნომერის 32-ე გვერდზე დატანებული იქნება იმ კარიკატურისტების ფოტოები, რომლებიც რედაქციაზე თავდასხმის დროს დაიღუპნენ.
რედაქციის თქმით, მათ სპეციალური ნომრის შეკვეთები უკვე მიიღეს სხვადასხვა ქვეყნებიდან, განსაკუთრებით, გერმანიიდან.
თავდასხმიდან ერთი კვირის შემდეგ ჟურნალი 7,5 მილიონი ტირაჟით გამოვიდა. ტერაქტის შემდეგ მისი ხელმომწერები 20-ჯერ გაიზარდა.
შარშან 7 იანვარს ორი შეიარაღებული პირი გამოცემას თავს დაესხა. შედეგად 12 ადამიანი დაიღუპა. თავდასხმის მიზეზი რედაქციის მიერ მოჰამედ წინასწარმეტყველზე გაკეთებული კარიკატურა გახდა.
