ჩაქვში ახალგაზრდა მამაკაცის მკვლელობის ფაქტზე სამართალდამცველებმა ერთი პირი დააკავეს. დაკავებული წინასწარი მოთავსების იზოლატორშია გადაყვანილი.
არსებული ინფორმაციით დაკავებული სასტუმრო “ოაზისის” მიმდებარედ არსებულ მშენებლობაზე მუშაობდა და გარდაცვლილი მამაკაცის თანამშრომელი იყო.
წინასწარი ინფორმაციით, ჩაქვში გარდაცვლილი და მკვლელიც სასტუმრო “ოაზისის” ტერიტორიაზე არსებულ მშენებლობაზე მუშაობდნენ.
თვითმხილველების ინფორმაციით, მკვლელს და მის თანმხლებ პირებს შორის შემთხვევამდე კამათი მოხდა და სავარაუდოდ არაფხიზელ მდგომარეობაში იმყოფებოდნენ.
შსს-ს ინფორმაციით, საქმეზე გამოძიება სისხლი სამართლის კოდექსის 108-ე მუხლით აღიძრა. შემთხვევის ადგილზე ექსპერტ-კრიმინალისტები მუშაობენ.